• logo nu online jatim
Home Metropolis Malang Raya Madura Tapal Kuda Kediri Raya Matraman Pantura Khutbah Keislaman Tokoh Rehat Jujugan Nusiana Opini Pendidikan Pemerintahan Parlemen Pustaka Video Risalah Redaksi NU Online Network
Minggu, 19 Mei 2024

Khutbah

Khutbah Jumat Bahasa Jawa: Jumat Rojone Dino

Khutbah Jumat Bahasa Jawa: Jumat Rojone Dino
Rajane dino mungguhe Gusti Allah iku dino Jumat, lan luweh utama ketimbang Idul Adha lan Idul Fitri. (Foto: NOJ/Humas Al-Akbar)
Rajane dino mungguhe Gusti Allah iku dino Jumat, lan luweh utama ketimbang Idul Adha lan Idul Fitri. (Foto: NOJ/Humas Al-Akbar)

Naskah khutbah Jumat meniko mertelaaken pentinge silaturrahmi lan silaturruh ing dinten Jumat, kranten katah kautamane. Dino Jumat dipun wastani sayyidul ayyam utawi rojone dino.

Dinten Jumat wekdal sae kagem silaturrahmi kranten saget diartosaken sami makempal ing masjid nindaaken Jumatan, lan silaturruh saget diartosaken ziarah kubur kirim dungo kagem leluhur ingkang sampun kapundut.

 


Khutbah I:


اَلْحَمْدُ للهِ الَّذِىْ جَعَلَ الْاِسْلَامَ طَرِيْقًا سَوِيًّا، وَوَعَدَ لِلْمُتَمَسِّكِيْنَ بِهِ وَيَنْهَوْنَ الْفَسَادَ مَكَانًا عَلِيًّا. اَشْهَدُ أَنْ لاَ اِلَهَ اِلاَّ اللهُ وَحْدَهُ لَاشَرِيْكَ لَهُ، شَهَادَةَ مَنْ هُوَ خَيْرٌ مَّقَامًا وَأَحْسَنُ نَدِيًّا. وَأَشْهَدُ أَنَّ سَيِّدَنَا حَمَّدًا عَبْدُهُ وَرَسُوْلُهُ الْمُتَّصِفُ بِالْمَكَارِمِ كِبَارًا وَصَبِيًّا. اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ صَادِقِ الْوَعْدِ الاَمِينِ وَكَانَ رَسُوْلاً نَبِيًّا، وَعَلَى آلِهِ وَصَحْبِهِ الَّذِيْنَ يُحْسِنُوْنَ إِسْلاَمَهُمْ وَلَمْ يَفْعَلُوْا شَيْئًا فَرِيًّا


أَمَّا بَعْدُ: فَيَا أَيُّهَا الْحَاضِرُوْنَ رَحِمَكُمُ اللهُ، أُوْصِيْكُمْ وَنَفْسِيْ بِتَقْوَى اللهِ فَقَدْ فَازَ الْمُتَّقُوْنَ. قَالَ اللهُ تَعَالَى : بِسْمِ اللهِ الرَّحْمَنِ الرَّحِيْمِ، يَا اَيُّهَا الَّذِيْنَ آمَنُوْا اتَّقُوْا اللهَ حَقَّ تُقَاتِهِ وَلاَ تَمُوْتُنَّ إِلاَّ وَاَنْتُمْ مُسْلِمُوْنَ

 


Maasyiral Muslimin Rahimakumullah

Monggo kito ningkataken takwo dumateng Gusti Allah ing panggenan pundi kimawon, kelawan nindaaken sedoyo perintah lan nebihi cecegahanipun, keranten saking meniko kito saget pikantuk ridone Gusti Allah. Ugi ngucap syukur alhamdulillah dumateng Gusti Allah ingkang sampun paring kito nikmat iman, islam sehinggo kito saget kalebet umat ingkang muttaqin.


Sholawat serto salam mugi tansah keaturaken dumateng Kanjeng Nabi Muhammad, keluarga, lan poro sahabatipun ingkang dipun serupaaken kados dene lintang. Setunggale bukti minongko Kanjeng Nabi niku banget mulyane, saget dipun semerapi saking dawuh Gusti Allah:


إِنَّ ٱللَّهَ وَمَلَٰٓئِكَتَهُ يُصَلُّونَ عَلَى ٱلنَّبِىِّ ۚ يَٰٓأَيُّهَا ٱلَّذِينَ ءَامَنُوا۟ صَلُّوا۟ عَلَيْهِ وَسَلِّمُوا۟ تَسْلِيمًا


Artosipun: Saktemene GustI Allah lan poro malaikat iku podo moco shalawat dumateng Kanjeng Nabi. Hei, wong-wong kang podo iman, mocoho shalawat siro kabeh, lan podo uluk salamo kanti tenan. (Al-Ahzab: 46)


Ayat meniko negesake bilih Kanjeng Nabi dados utusane Gusti Allah ingkang kinasih, ngantos dipun waosaken shalawat khusus kagem Kanjeng Nabi, soho dados dalil kagem kito sedoyo tiyang mukmin supados sami maos sholawat. Bahkan maos sholawat dados salah setunggale rukun khutbah Jumat.


Hadirin Jamaah Jumat Ingkang Minulyo

Katah sanget keutamane dinten Jumat, ngantos dipun wastani rajane dino. Alasane dipun sebat rajane dino. Imam Syafii lan Imam Ahmad mundut hadis riwayat saking Sa’ad bin Ubadah:


سَيِّدُ الْأَيَّامِ عِنْدَ اللهِ يَوْمُ الْجُمُعَةِ وَهُوَ أَعْظَمُ مِنْ يَوْمِ النَّحَرِ وَيَوْمُ الْفِطْرِ


Artosipun: Rajane dino mungguhe Gusti Allah iku dino Jumat, lan luweh utama ketimbang Idul Adha lan Idul Fitri.


Lajeng dipun terusaken maksude menopo nggadah kautaman ingkang unggul?


وَفِيْهِ خَمْسُ خِصَالٍ فِيْهِ خَلَقَ اللهُ آدَمَ وَفِيْهِ أُهْبِطَ مِنَ الْجَنَّةِ إِلَى الْأَرْضِ وَفِيْهِ تُوُفِّيَ وَفِيْهِ سَاعَةٌ لَا يَسْأَلُ الْعَبْدُ فِيْهَا اللهَ شَيْئًا إِلَّا أَعْطَاهُ إِيَّاهُ مَا لَمْ يَسْأَلْ إِثْمًا أَوْ قَطِيْعَةَ رَحِمٍ وَفِيْهِ تَقُوْمُ السَّاعَةُ وَمَا مِنْ مَلَكٍ مُقّرَّبٍ وَلَا سَمَاءٍ وَلَا أَرْضٍ وَلَا رِيْحٍ وَلَا جَبَلٍ وَلَا حَجَرٍ إِلَّا وَهُوَ مُشْفِقٌ مِنْ يَوْمِ الْجُمُعَةِ

 

Artosipun: Lan ingdalem dino Jumat wonten gangsal pakerti: Setunggal, Gusti Allah nyiptaaken Nabi Adam. Kalih, Nabi Adam mandap dateng dunyo. Tigo, Nabi Adam kapundut. Sekawan, wekdal mustajab kagem sinten kimawon ingkang nyuwun dumateng Gusti Allah selagine mboten nyuwun perkawis duso utawi medot seduluran. Gangsal, jumenege dino kiamat, lan welas asihe Gusti Allah dumateng sedoyo makhluk.


Kautaman ingkang kasebat ugi dipun tegesaken wonten setunggale hadis Riwayat Imam Ahmad lan Imam Tirmidzi bilih tiyang ingkang kapundut dinten Jumat bakal dipun rekso Gusti Allah:

 

 مَا مِنْ مُسْلِمٍ يَمُوْتُ يَوْمَ الْجُمُعَةِ أَوْ لَيْلَةَ الْجُمُعَةِ إِلَّا وَقَاهُ اللهُ فِتْنَةَ الْقَبْرِ

 

Artosipun: Ora ono wong Islam ingkang tilar dunyo ingdalem dinten Jumat utawi malam Jumat iku kejobo dipun rekso Gusti Allah saking fitnah kubur.

 

Jamaah Jumat Ingkang Sami Bahagio

Sedoyo dalil puniko dados dasar dino Jumat niku rojone dino, amergi katah peristiwa istimewa ingkang dumawah ing dino Jumat. Semanten ugi, nalikane dino Jumat dipun isi kaliyan amal ibadah arupi silaturrahmi lan silaturruh.


Silaturrahmi ing dino Jumat arupi makempal wonten masjid, mirengaken wasiyat takwo saking khatib, maos sholawat, kepanggih sederek muslim lan nukulaken raos welas asih antawisipun umat Islam saking pundi kimawon.


Anapun silaturruh ing dino Jumat arupi ziarah kubur, kirim dungo, maos surat yasin, kahfi, tahlil, tahmid, tasbih lajeng ganjarane dipun hadiahaken kagem ahli kubur. Nopo maleh ziarah kubur tiyang sepah. Kanjeng Nabi dawuh:


مَنْ زَارَ قَبْرَ أَبَوَيْهِ أَوْ أَحَدِهِمَا فِيْ كُلِّ جُمُعَةٍ غُفِرَ لَهُ وَ كُتِبَ لَهُ بَرًا

 

Artosipun: Sopo wonge ziarah kubur wong tuo lorone utowo salah sijine ingdalem saben dino Jumat, mongko duso-dusone diapuro lan dipun catet ngabekti marang wong tuo. (HR. Tabrani)


Pramilo, monggo kito sareng-sareng manfaataken lan ngisi dino Jumat kanti tenanan, dipun damel nindaaken kesaenan, ibadah kanti ikhlas, nepung sanak raket lan ziarah kubur tiyang shalih, utamane tiyang sepah kito sedoyo.


Mugi-mugi kito dipun paringi gampang anggenipun istiqomah ibadah lan pikantuk barokahipun dino Jumat, rojone dino, ingkang jelas sanget nggadahi kautamaan. Amin.


أعُوْذُ بِاللَّهِ مِنَ الشَّيْطَانِ الرَّجِيْمِ, بِسْمِ اللهِ الرَّحْمَنِ الرَّحِيْمِ  وَاعْبُدْ رَبَّكَ حَتَّى يَأْتِيَكَ الْيَقِيْنُ . بَارَكَ اللهُ لِي وَلَكمُ فِي الْقُرْآنِ الْعَظِيمِوَنَفَعَنِي وَإِيَّاكُمْ بِمَا فِيْهِ مِنَ الْآيَاتِ وَالذِّكْرِ الْحَكِيمِ، أَقُوْلُ قَوْليِ هذَا، وَأَسْتَغْفِرُ اللهَ لِي وَلَكُمْ مِنْ كُلَّ ذَنْبٍ، فَاسْتَغفِرُوْهُ؛ إِنَّهُ هُوَ الْغَفُوْرُ الرَّحِيُم

 

Khutbah II:


 

اَلحَمْدُ لِلّهِ الوَاحِدِ القَهَّارِ، الرَحِيْمِ الغَفَّارِ، أَحْمَدُهُ تَعَالَى عَلَى فَضْلِهِ المِدْرَارِ، وَأَشْكُرُهُ عَلَى نِعَمِهِ الغِزَارِ، وَأَشْهَدُ أَنْ لَّا إِلَهَ إِلَّا الله وَحْدَهُ لَا شَرِيْكَ لَهُ العَزِيْزُ الجَبَّارُ، وَأَشْهَدُ أَنَّ نَبِيَّنَا مُحَمَّداً عَبْدُهُ وَرَسُوْلُهُ المُصْطَفَى المُخْتَار، صَلَّى اللهُ عَلَيْهِ وَعَلَى آلِهِ الطَيِّبِيْنَ الأَطْهَار، وَأَصْحَابُهُ الأَخْيَارِ، وَمَنْ تَبِعَهُمْ بِإِحْسَانٍ مَا تُعَاقِبُ اللَيْلَ وَالنَّهَار


أَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ وسَلِّمْ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلّمْ وَعَلَى آلِه وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَانَ وَعَلِىٍّ وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ


اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَاعْلِ كَلِمَاتِكَ إِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ


عِبَادَاللهِ ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُم تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ


Editor:

Khutbah Terbaru