• logo nu online jatim
Home Metropolis Malang Raya Madura Tapal Kuda Kediri Raya Matraman Pantura Khutbah Keislaman Tokoh Rehat Jujugan Nusiana Opini Pendidikan Pemerintahan Parlemen Pustaka Video Risalah Redaksi NU Online Network
Jumat, 29 Maret 2024

Khutbah

Khutbah Jumat Bahasa Jawa: Kautamaane Wulan Rajab

Khutbah Jumat Bahasa Jawa: Kautamaane Wulan Rajab
Khatib paring pesen takwo dumateng Jamaah Jumat (Foto:NOJ/karomi)
Khatib paring pesen takwo dumateng Jamaah Jumat (Foto:NOJ/karomi)

Naskah khutbah Jumat meniko mertelaaken kautamaane wulan Rajab lan peristiwa ingkang dumawah ing wulan Rajab.


Antawisipun peristiwane, Sayyidah Aminah hamil Kanjeng Nabi, isra’ mi’raj lan dipun perintahaken shalat limang wektu.


Monggo ingkang ngersaaken naskah khutbah meniko saget download lan nyebaraken, mugi manfaati lan migunani.

Khutbah I:


الْحَمْدُ لِلهِ الْمَلِكِ الْعَلَّامِ وَاَعْطَانَا مَاعِنْدَهُ مِنَ الْفَضْلِ وَالْإِنْعَامِ أَحْمَدُهُ وَأَشْكُرُهُ عَلَى نِعْمَةِ الْجِسْمِ وِالْمُجَسَّمِ وَهِيَ الصِّحَةُ وَالْإِيْمَانُ وَالْإِسْلاَمُ، أَشْهَدُ اَنْ لاَإِلَهَ اِلاَّ اللهُ وَحْدَهُ لاَ شَرِيْكَ لَهُ الْمُتَّصِفُ بِالْبَقَاءِ وَالْقِدَمِ وَأَشْهَدُ اَنَّ مُحَمَّدًا عَبْدُهُ وَرَسُوْلُهُ اِلَى جَمِيْعِ الْعَالَمِ اللَّهُمَّ صَلِّ وَسَلِّمْ عَلَى عَبْدِكَ مُحَمّدٍ صَاحِبِ الظِّلِّ فِى الْغَمَامِ وَاَلِهِ وَصَحْبِهِ الْبَرَرَۃِ الْكِرَامِ


اَمَّا بَعْدُ فَياَ اَيُّهاَ الْحَاضِرُوْنَ اتَّقُوا اللَّهَ حَقَّ تُقَاتِهِ وَلا تَمُوتُنَّ إِلاَّ وَأَنْتُمْ مُسْلِمُونَ فَقَالَ تَعاَلىَ فِى الْقُرْاَنِ الْكَرِيْمِ سُبْحٰنَ الَّذِيْٓ اَسْرٰى بِعَبْدِهٖ لَيْلًا مِّنَ الْمَسْجِدِ الْحَرَامِ اِلَى الْمَسْجِدِ الْاَقْصَا الَّذِيْ بٰرَكْنَا حَوْلَهٗ لِنُرِيَهٗ مِنْ اٰيٰتِنَاۗ اِنَّهٗ هُوَ السَّمِيْعُ الْبَصِيْرُ


Ma’asyiral Muslimin Rahimakumullah


Monggo kito sami ningkataken takwo lan ajrih dumateng Gusti Allah kanti tenanan, ing panggenan pundi kimawon, kanti tansah nindakaken sedoyo perintah lan nebihi sedoyo awisanipun, supados kita tansah pikantuk rahmat lan kabegjan saking ngerso Gusti Allah.


Shalawat serto salam mugi keaturaken dumateng junjungan kito, nggih meniko Kanjeng Nabi Muhammad soho keluargo lan sohabatipun ingkang dipun ibarataken rembulan lan lelintang.


Gusti Allah dawuh:


وَأَطِيعُوا۟ ٱللَّهَ وَأَطِيعُوا۟ ٱلرَّسُولَ ۚ فَإِن تَوَلَّيْتُمْ فَإِنَّمَا عَلَىٰ رَسُولِنَا ٱلْبَلَٰغُ ٱلْمُبِينُ


Artosipun: Lan podo ta’ato siro kabeh marang Gusti Allah lan Rasulullah, lamun siro kabeh  mengo (berpaling), mongko saktemene kewajibane utusan kito namung nyampaiaken (amanat Allah) kanti pertelo. (At-Taghabun, 12)


Ayat meniko pertelo sanget bilih taat utawi patuh dumateng Gusti Allah lan Rasulullah estu kedah dilaksanaaken. Poro utusan sampun ajak-ajak lan nyampaiaken risalah kagem sedoyo makhluk. Lamun mboten wonten ingkang nderek dumateng Rasulullah, mongko saktemene bakal getunan. 


Hadirin Ingkang Minulyo


Sakmangke kito sampun mlebet wulan Rajab ingkang mashur nggadahi rerubo kamuliyan tur ganjaran, keranten wulan meniko Gusti Allah nyebaraken rahmat lan ganjarane tanpo wates. Pramilo Kanjeng Nabi paring contoh supados dedungo:


 اللَّهُمَّ بَارِكْ لَنَا فِيْ رَجَبَ وَشَعْبَانَ وَبَلِّغْنَا رَمَضَانَ 


Artosipun: Duh Gusti Allah, kulo nyuwun tambahe barokah ingdalem wulan Rajab, lan  Sya’ban, lan kulo suwun dipun panggihaken kaliyan wulan Ramadan.


Lajeng punopo dipun wastani Rajab?


Imam Al-Hafiz Abu Hasan bin Muhammad Hasan al-Khalal (439 H) wonten ing kitab Fadhail Syahri Rajab mundut saking riwayat Anas bin Malik bilih Kanjeng Nabi dawuh:


قِيْلَ لِرَسُوْلِ اللهِ لِمَ سُمِيَ رَجَبَ؟ قَالَ: لأنَّهُ يُتَرَجَّبُ فِيهِ خَيْرٌ كَثِيرٌ لِشَعْبَانَ وَرَمَضَانَ 


Artosipun: Dipun tangletaken dumateng Rasulullah, punopo dipun wastani Rajab?, Kanjeng Nabi dawuh: kerono  ingdalem Rajab kabeh amal dipun muliaaken kanggo nyambut wulan Sya’ban lan Ramadan 


Tegese, wulan Rajab meniko wulan mulio ingkang dipun kangge cawis-cawis nyambut wulan Sya’ban lan Ramadan. Pramilo saking meniko, katah tiyang ingkang cancut taliwondo nindaaken kesaenan, ngatahaken amal ibadahe.


Jamaah Jumat Ingkang Dipun Rahmati Allah


Kedah kito mangertosi bilih ingdalem wulan Rajab katah peristiwa penting ingkang dumawah, ing antawisipun:


Sepindah, Sayyidah Aminah ngandung putro ingkang bakal dados Nabi akhir zaman, nggih meniko Nabi Muhammad; Kalih, wonten peristiwa isra’ mi’raj Kanjeng Nabi Muhammad; Tigo, perintah shalat limang wektu nalikane isra’ mi’raj.


Babakan isra mi’raj niki Gusti Allah sampun dawuh wonten surat Isra’ ayat 1:


سُبْحٰنَ الَّذِيْٓ اَسْرٰى بِعَبْدِهٖ لَيْلًا مِّنَ الْمَسْجِدِ الْحَرَامِ اِلَى الْمَسْجِدِ الْاَقْصَا الَّذِيْ بٰرَكْنَا حَوْلَهٗ لِنُرِيَهٗ مِنْ اٰيٰتِنَاۗ اِنَّهٗ هُوَ السَّمِيْعُ الْبَصِيْرُ


Artosipun: Moho suci Dzat ingkang ngelakoaken kawulane ingdalem wayah wengi saking Masjidil Haram tumuju marang Masjidil Aqsa ingkang kito barokahi kiwo tengene supoyo kito weruhaken tondo kekuasaan kito (dumateng Nabi Muhammad). Saktemene Gusti Allah iku Dzat ingkang midanget tur waspodo.


Tigo peristiwa ageng kasebat nuduhaken dumateng kito sedoyo kautamaane wulan Rajab ingkang mboten dipun nggadahi wulan lintune. Pramilo, monggo kito sareng-sareng ngatahaken shalat sunnah, poso, nderes al-Quran, sodaqoh ingdalem wulan meniko.


​​​​​​​Mugo-mugo kito sedoyo saget istiqomah anggenipun cancut taliwondo ngelampahi amal ibadah lan tansah istiqomah taqarrub dumateng Gusti Allah, Amiin.


أعُوْذُ بِاللَّهِ مِنَ الشَّيْطَانِ الرَّجِيْمِ, بِسْمِ اللهِ الرَّحْمَنِ الرَّحِيْمِ  وَاعْبُدْ رَبَّكَ حَتَّى يَأْتِيَكَ الْيَقِيْنُ


بَارَكَ اللهُ لِي وَلَكمُ فِي الْقُرْآنِ الْعَظِيمِ، وَنَفَعَنِي وَإِيَّاكُمْ بِمَا فِيْهِ مِنَ الْآيَاتِ وَالذِّكْرِ الْحَكِيمِ، أَقُوْلُ قَوْليِ هذَا، وَأَسْتَغْفِرُ اللهَ لِي وَلَكُمْ مِنْ كُلَّ ذَنْبٍ، فَاسْتَغفِرُوْهُ؛ إِنَّهُ هُوَ الْغَفُوْرُ الرَّحِيُم


Khutbah II:


اَلحَمْدُ لِلّهِ الوَاحِدِ القَهَّارِ، الرَحِيْمِ الغَفَّارِ، أَحْمَدُهُ تَعَالَى عَلَى فَضْلِهِ المِدْرَارِ، وَأَشْكُرُهُ عَلَى نِعَمِهِ الغِزَارِ، وَأَشْهَدُ أَنْ لَّا إِلَهَ إِلَّا الله وَحْدَهُ لَا شَرِيْكَ لَهُ العَزِيْزُ الجَبَّارُ، وَأَشْهَدُ أَنَّ نَبِيَّنَا مُحَمَّداً عَبْدُهُ وَرَسُوْلُهُ المُصْطَفَى المُخْتَار، صَلَّى اللهُ عَلَيْهِ وَعَلَى آلِهِ الطَيِّبِيْنَ الأَطْهَار، وَإِخْوَنِهِ الأَبْرَارِ، وَأَصْحَابُهُ الأَخْيَارِ، وَمَنْ تَبِعَهُمْ بِإِحْسَانٍ مَا تُعَاقِبُ اللَيْلَ وَالنَّهَار


أَمَّا بَعْدُ فَياَ اَيُّهَا النَّاسُ اِتَّقُوا االلهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ 


اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَاعْلِ كَلِمَاتِكَ إِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ


عِبَادَاللهِ ! إِنَّ اللهَ يَأْمُرُنَا بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُم تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ


Editor:

Khutbah Terbaru